कृपेची तुझी सावली, दत्ता माझ्यावर
उन्हातही गारवा, जेव्हा हात तुझा डोक्यावर
काय केले पुण्य मी, कळेना मज काही
साथ तुझी आहे दत्ता, भीती न उरे काही ॥
आई तूच, बाप तू, तूच माझा धनी
चुकता वाट माझी, धरशी हात त्या क्षणी
अंधारल्या रस्त्यावर, दीप तुझा जळे
मनातील तम सारा, हळूच दूर पळे ॥
न मागता दिलेस तू, सुखाचे हे दान
ऋणी तुझा जीव हा, कसा फेडू मान
नाव तुझे घेताच, निवळे तन-मन
शांतता श्वासात भरते, स्थिर होते जीवन ॥
धर्म दे, अर्थ दे, काम दे, दे मोक्षवाट
कामना निर्मळ ठेव, असो सद्बुद्धीची साथ
चारही पुरुषार्थ, फुलू दे सहज
तुझ्या कृपेने होवो सफल ही कांक्षा सहज ॥
शेवटचा श्वास जेव्हा, घेईन मी अलवार
चरणी तुझ्या ठेवीन सर्वस्व एकवार
मेघ विरघळून जाईल, होईल तुझ्यातच लीन
दत्ता तूच उरशी, मीपण होई क्षीण ॥
मंगळवार, ३/२/२६, १:३१ PM
अजय सरदेसाई – मेघ
