माझे गुरुवर

गिरनारी त्या उत्तुंग चरम शिखरावर,

तेथे "चरण" पादुका ज्यांच्या तेच माझे गुरुवर.

 

चौसष्ट योगिनी राहती जेथे वाडीस कृष्णा तीरावर,

तेथे पादुका "मनोहर" ज्यांच्या तेच माझे गुरुवर .

 

अवदुंबरी कृष्णेच्या पश्चिम तिरी जेथे सानिध्य भुवनेश्वरी,

गुणीजन हो तेथे पादुका "विमल" ज्यांच्या तेच माझे गुरुवर.

 

भिमा अमरजा संगमी,अश्वत्थ तळी अनुष्ठानी जे निरंतर ,

त्या गंधर्वपुरी पादुका "निर्गुण" ज्यांच्या तेच माझे गुरुवर.

 

स्मित हस्ये ज्यांच्या होती पुलकित कुसुम सभोवर,

ज्यांच्या पाद स्पर्शे होई सृजन, तेच माझे गुरुवर.

 

रविवार , १५/१२/२०२४  , १७:३० Hrs,

अजय सरदेसाई (मेघ)