तुची मला तार

""""""""""""""""""""

तुची मला तार.

""""""""""""""""""""

जाणसी सर्व,तरी का जवळ घेईना,

सर्व ठायी तूच, तरी मज का दिसेना.

शिकविल कोण मज श्रद्धा भक्ती,

येई न मज प्रयत्ने ही ती युक्ती.

कधीचा मी तिष्ठतो तव द्वारी,

आता तरी तु मज अंगिकारी.

म्हणे रवी तो तळपतो तुझ्याच तेजाने,

जगत सारे गतिमान तुझ्याच चैतन्याने.

सुक्ष्मातुन अनंता पर्यंत तुझाच विस्तार,

अनादी नाद तु, तुच तो ओंकार,

जळी,स्थळी,काष्ठी पाषाणी तुझा आविष्कार,

हे शिव सुंदरा ,अग्रजा तुची मला तार.

 

रविवार, २०/१०/२४ , १:३० PM.

अजय सरदेसाई (मेघ)