Total Pageviews

21,630

Sunday, 31 March 2024

लपलासी कोठे


आता होतासी 

लपलासी कोठे

सख्या पांडुरंगा

शोधू तुज कोठे

 

लपंडाव देवा

का खेळिसी

पोच माझी नाही

तुज शोधू मी

 

मन ना निर्मल

बुद्धी ना विमल

मी दुर्बल सर्व ठायी

कागा विठाई परिक्षिसी

 

धरी हात आता

का देसी चिंता

भवार्ण तरावया

मज बळ नाही

 

जरी तु देवा

आला भेटीस

नाव रख्माईस

बघ सांगेन मी

 

या उपरी जरी

तू कृपा करी

चंद्रभागा कुशीत

देवा जाईन मी

 

'मेघ' म्हणे देवा

तिढा सोडवा हा

खेळ तो मांडावा

किती तव भक्ताचा

 

रविवार, ३१/०३/२०२४  , ०५:३२ AM

अजय सरदेसाई (मेघ)


No comments:

Post a Comment