शिव दर्शन

 

हृदय गर्भात प्रतिष्ठीला शिव

आनंदे सुखावला माझा जिव

भक्ती ज्योत केली सजिव

पेटवुन अंतरी

 

दशदिशा श्रोत्रांतुनी 

घेतल्या आत आकंचुनी

उसळला नाद त्यातुनी

ओंकाराचा

 

घेतले मिटुनी दोळे

दृष्टी वळविली आंत

प्रकाश भरला ओतप्रत 

जणू हिरण्यगर्भ तो

 

रोमरंध्रांस केले शांत

स्पर्शची नूरली भ्रांत

पद्मासनी बैसलों निवांत

विसरोनिया सर्व सृष्टी

 

मूळाधारातून ती शक्ती

येई जेवी लाट उसळून

तेवी एक एक चक्र उलंघोनी

वर शिव मिलनास येतसे

 

सहस्रसारांत झाले मिलन

याचे शब्दातीत असे वर्णन

सहस्त्रकोटी दामिनी जणू

कडाडल्या एकाच क्षणी

 

प्रखर त्या प्रकाशस्रोतांत

दिसला मज तो जो कर्पूरगौर

आदित्य तेज ज्या मुखी सौर

अखंड पसरलेले

 

रविवार  , ३०/०६/२०२४   ०५:३० PM

अजय सरदेसाई (मेघ)

किती पहाल माझा अंत हो नाथा

 

किती पहाल माझा अंत हो नाथा

मन माझे विच्छिन्न झाले हो आता

गाठावे कधी मी ते दक्षिण द्वार

करावा कधी मोकळा मनाचा भार

किती सहावा बा मी नशिबाचा मार

दत्ता तुज आहे सर्व ठाऊक ताता

मी स्मरतो तुज ,ये तूच धाऊन आता

लोक उगाच का स्मर्तगामी तुज म्हणती

झाली सांज,वाट पाहती माझ्या नयन ज्योती

नको वेळ करु आता ,ये लौकर माझ्या नाथा

श्री दत्ता आले माझे प्राण कंठाशी आता

नको घेऊस आणिक तु परिक्षा

त्रितापातून तुच करी माझी रक्षा

स्वामीया ये लौकर तूला माझी आण

तू न आल्यास करीन मी निर्वाण

का न ऐकशी तुला बोलावितो एक भक्त

का रे तरी उभा तू अवदुंबरी असा तटस्थ

त्रिविक्रमाने ताता तुला लाविले बोल

विश्व रुप दर्शने चुकविले तू त्याचे मोल

सांग ना यात लपिली कोणती युक्ती खोल

सांग समजावून ते सर्व मला सखोल

का तरी माझ्या नाथा अजुन तू अबोल

सांग राखू कसा मी माझ्या मनाचा समतोल

बोल लवकर झाला जिव कासावीस

लावू नकोस तू भेटण्या युगे अठ्ठावीस

 

सोमवार २४/६/२४ १०:०८ PM

अजय सरदेसाई (मेघ)

मना सज्जना

 

मना सज्जना उंबरठा उल्लंघू नको रे

शरिराची फुका उपाधी बाळगु नको रे

जे घडले सारे ते एका दत्ता मुळे रे

जे घडणार पुढे ते ही दत्ता मुळे रे

तु आहेस निमित्त मात्र हे तू जण रे

तुझ्या मुखी सदा दत्त नाम असो रे

 

अवधूत चिंतन श्री गुरुदेव दत्त

 🙏 🔥 🙏

 

सोमवार २४/६/२४ , ०८:०० PM

अजय सरदेसाई (मेघ)

🙏

स्वामिया

 

मजसी सर्व प्रसंगातून नित्य तू सांभाळिसी सी रे स्वामीया ।

स्मरता तुज,तात्काळ तू धावून येसी रे स्वामीया ।

भक्तांसी पावसी सदासर्वकाळ तूची रे स्वामीया। 

तूची ना तो, जो अवदुंबरी रहासी रे स्वामीया।

भेटीतो भक्तांसी तूच ना सदैव कृष्णा तीरी स्वामीया।

तुज वीण आणिक कोण मज तारणहार आहे रे स्वामिया।

तूची माझा बाप नी तूची माझी माय स्वामिया।

बाह्यात शोधूनी सुख, किती तिष्टलो रे स्वामिया।

त्रितापे गांजलो मी, आता थकलो रे स्वामिया।

काही काळ गुंतलो मायेत ,तुज विसरलो रे स्वामिया।

श्रमूनी, दामुनी ,आलो पुन्हा तव कुशीत रे स्वामिया।  

कुर्वाळुनी आता मज निजवी तव मांडीवरी रे स्वामीया।

निर्भय,निशंक झोपेन मी ,मिळेल शास्वत सुख मज स्वामिया।

 

।।अवधूत चिंतन श्री गुरुदेव दत्त।।

।।दिगंबरा दिगंबरा श्रीपद वल्लभ दिगंबरा।।

 

रविवार , २३/६/२४ ,०४:३०  PM

अजय सरदेसाई (मेघ)

डोळ्यांत दत्त साठला हो

 

अवधूत चिंतन श्री गुरुदेव दत्त

🙏🔥🙏

 

दत्त धुनी अंतरी पेटवा हो ।

दत्त नाम अंतरी साठवा हो।

दत्त रुप मनी आठवा हो।

यत्र तत्र सर्वत्र दत्त भरुन राहीला हो।

म्हणे 'मेघ' माझा दाटला कंठ,

डोळ्यांत  दत्त साठला हो ।

 

सोमवार, १७/६/२४  ०४:५७ PM

अजय सरदेसाई (मेघ)

🙏

तूझ्या वाचून नाही मज कुणी श्रीदत्ता

तूझ्या वाचून नाही मज कुणी श्रीदत्ता

सांभाळी आता तूच मज दिना,समर्था

पाही कृपादृष्टी ने रे दयाघना अनंता

दे चरणी जरासा स्थान तुझ्या मज नाथा

मज दिसूदे यत्र तत्र सर्वत्र तूझेच रुप निरंतर

असो नाम जप तुझाच अंतरी न पडो श्वासांतर

तूझे श्रीपाद पडो सदैव मम सदनी

वसो मुद्रण कोमल तयांचे मम मनी

तव हृदयी मी अन मम हृदयी तूच असुदे 

आपल्यात श्री दत्त कधी न द्वैत असुदे

ऐक हो दत्ता मज साकडे हे एक

तव चरण मिळो,जरी जन्म अनेक

 

गुरुवार  , १३/०६/२०२४   ०५:५०

अजय सरदेसाई (मेघ)