॥ श्रीकष्टभंजन हनुमान स्तुती ॥

अंजनिसुता पवनकुमारा ।
रामदूता तू भक्ताधारा ।
संकटनाशना भव दुःखहारी ।
तुजविण हनुमंता मज कोण तारी ॥ १ ॥

केसरीनंदना वीर प्रचंडा ।
रुद्रावतारा तेज अखंडा ।
भयभंजना विघ्नविदारी ।
तुजविण हनुमंता मज कोण तारी ॥ २ ॥

लंकादाहका सीतान्वेषी ।
रामकार्यीं सदा अभिलाषी ।
भक्तजनांचा तू दुःखहारी ।
तुजविण हनुमंता मज कोण तारी ॥ ३ ॥

गदा ध्वज करीं शोभतसे ।
सिंदूराङ्ग तव शोभुन दिसे ।
कपिवरा तू पापनिवारी ।
तुजविण हनुमंता मज कोण तारी ॥ ४ ॥

संजीवनी गिरि घेऊनि आला ।
लक्ष्मणप्राण पुनः जागविला ।
महावीरा अनंत कृपाकारी ।
तुजविण हनुमंता मज कोण तारी ॥ ५ ॥

अहिरावणाचा संहार केला ।
रामलक्ष्मण पाताळातुन आणला ।
अष्टसिद्धीचा तू अधिकारी ।
तुजविण हनुमंता मज कोण तारी ॥ ६ ॥

भूतपिशाच्च समीप न येती ।
महावीरनाम जपे जो निती ।
रक्षिसी त्यासी संकटवारी ।
तुजविण हनुमंता मज कोण तारी ॥ ७ ॥

रामनामाचा जप करिसी ।
रघुवीरचरणीं लीन अससी ।
चिरंजीवा कल्याणकारी ।
तुजविण हनुमंता मज कोण तारी ॥ ८ ॥

दासास तुझ्या ना भय ना चिंता ।
संकटहरणा तू करुणावंता ।
कष्टभंजना तू सुखकारी ।
तुजविण हनुमंता मज कोण तारी ॥ ९ ॥

सुग्रीवसखा विभीषणबंधू ।
रामभक्तीचा अखंड सिंधू ।
भक्तजनांचे तू संकटनिवारी ।
तुजविण हनुमंता मज कोण तारी ॥ १० ॥

'मेघ' म्हणे मी श्रीपादांचा दास ।
त्यांच्या आज्ञेने हनुमंत उपास ।
शरण तुला आलो हो माझा कैवारी ।
तुजविण हनुमंता मज कोण तारी ॥ ११ ॥

॥ जय जय श्रीराम  जय श्री हनुमान॥

गुरुवार, ७/५/२६ , ४:०० PM
अजय सरदेसाई -मेघ