दृश्य नी अदृश्य ब्रम्हांडात तू कुठे अभिजात,
हा प्रश्न का घुमतो अक्षर माझ्या सुप्त मनात।।
हा प्रश्न का घुमतो अक्षर माझ्या सुप्त मनात।।
न दिसशी तरीही अस्तित्व तुझे प्रत्येक क्षणात,
जाणवते तुझे स्पंदन रंध्रा-रंध्रात, हृदयाच्या कंपनात॥
मिटता डोळे जाणवतोस तू श्वासांच्या लयीत,
उघडता नेत्र हरवून जातोस दृश्यांच्या गर्दीत।।
वाळू निसटून जावी तसा निसटतोस तू,
तरी बिलगून असतोस तू माझ्या आभासात।।
प्राण कासावीस माझे मन माझे बेचैन रे,
चकोरासम तृषा वाढते, पिण्यास कैवल्य चांदणे रे।।
तु आहेस सर्वत्र जरी मला कधी भेटशील का?
तिष्ठतो मी तुझ्या साठी तसा तू ही तिष्ठतोस का?
सांग ना घडणार कधी जिवा-शिवाची भेट ही,
किती जंन्मांचा फेरा बाकी अजुन दृष्टी येण्यास ही।।
मंगळवार, १२/५/२६ , १२:३० PM
अजय सरदेसाई -मेघ
No comments:
Post a Comment